Будаўнічая арганізацыя ўжо прыступіла да падрыхтоўчых земляных прац і агароджы пляцоўкі непадалёк ад фізкультурна-аздараўленчага комплексу, насупраць шматкватэрнай жылой забудовы ў мікрараёне вуліцы Барыкіна. У гэтым годзе плануецца закласці падмурак будынка, а на працягу наступнага пабудаваць аб'ект і здаць яго ў эксплуатацыю.
Будаўніцтва новага дзіцячага садка на 230 месцаў фінансуецца са сродкаў Інвестыцыйнай праграмы Мінскай вобласці. Трохпавярховы будынак агульнай плошчай амаль 5 тысяч квадратных метраў разлічаны на дзве ясельныя і дзесяць дашкольных груп. У кожнай групе прадугледжаны прыёмныя-распранальні, групавыя пакоя з зонай адпачынку, рэсурсныя цэнтры, буфетныя пакоі і прыбіральні. У асобным блоку размесцяцца басейн, харчблок, медыцынскія і іншыя памяшканні, а ў двары - гульнявыя пляцоўкі з мяккім пакрыццём.
Ігар Адамовіч. Фота аўтара
Карта сайта