У зале цэнтра сабраліся дэлегаты ад пярвічных арганізацый прафсаюза. На канферэнцыі прысутнічалі запрошаныя - Уладзімір Філімонаў, старшыня абкама прафсаюза работнікаў дзяржаўных і іншых устаноў, Вольга Коцiна, старшыня раённага аб'яднання прафсаюзаў.
У справаздачным дакладзе старшыня райкама Алена Гоман адзначыла:
-У цяперашні час у склад Чэрвенскай раённай арганізацыі Беларускага прафсаюза работнікаў дзяржаўных і іншых устаноў уваходзяць дзевяць першасных прафсаюзных арганізацый. За пяць справаздачных гадоў агульная колькасць членаў прафсаюза гэтых арганізацый павялічылася з 601 да 766 чалавек. Працэнт ахопу прафсаюзным рухам агульнай колькасьці дыпляматаў вырас з 73% да 89%.
Дзейнасць прафсаюза работнікаў дзяржаўных і іншых устаноў рознабаковая і шматгранная. Наш прафсаюз мае спецыфічныя асаблівасці ў параўнанні з іншымі галіновымі прафсаюзамі. Ён аб'ядноўвае работнікаў многіх спецыяльнасцяў і галін: гэта рабочыя, служачыя, няні і санітаркі, страхавыя агенты і работнікі аховы, сацыяльныя работнікі і дзяржаўныя служачыя. Адно з важных напрамкаў дзейнасці - праца з кадрамі. У адпаведнасці з Каляндарным планам вучобы, на базе МІПСА на працягу справаздачнага перыяду прайшлі навучанне практычна ўсе члены прэзідыума райкама, зноў абраныя кіраўнікі пярвічак і казначэі.
Садакладчыкамi старшыні выступілі старшыні пярвічных арганізацый Чэрвеньскага выканкама (Наталля Сцяжко) і тэрытарыяльнага цэнтра сацыяльнага абслугоўвання насельніцтва (Валянціна Кацько). Яны казалі пра дасягненні пярвічак, распавядалі аб праведзенай працы, дзяліліся вопытам.
У канцы канферэнцыі дэлегаты абралі новы склад прэзідыума райкама, зацвердзілі спіс дэлегатаў на справаздачна-выбарчую канферэнцыю раённага аб'яднання прафсаюзаў. Таксама на канферэнцыі шляхам адкрытага галасавання быў абраны новы старшыня райкама. Ім стаў Іван Іванавіч Іванцоў - галоўны спецыяліст аддзела арганізацыйна-кадравай работы Чэрвеньскага райвыканкама.
За плённае супрацоўніцтва, падтрымку і актыўны ўдзел у прафсаюзным жыццi медаль «115 гадоў прафсаюзнаму руху» Уладзімір Філімонаў ўручыў Але Шахоцька, намесніку старшыні райвыканкама і Алене Гоман, дырэктару раённага цэнтра культуры і вольнага часу.
Больш падрабязна пра канферэнцыю чытайце ў бліжэйшых нумарах газеты.
Галіна Гамеза. Фота аўтара
Карта сайта