Да нядаўняга часу існавала чатырохбаковае пагадненне, па якім «БПС-банк», «Белаграпрамбанк», «Беларусбанк» і «Белінвестбанк» не здымалі камісію з картак адзін аднаго ў сваіх банкаматах. Гэта значыць карткай любога з чатырох банкаў-партнёраў можна было спакойна карыстацца ў любым банкамаце гэтых самых чатырох банкаў.
Паслязаўтра, першага кастрычніка, сітуацыя трохі зменіцца. З «чацвёркі» выйдзе адзін удзельнік, «Белінвестбанк».
Вось што распавяла Святлана КОРАНЬ:
- З першага кастрычніка зняць наяўныя па картках «АСБ Беларусбанк» без камісіі можна ў сетцы банка і ў банкаматах банкаў-партнёраў «БПС-Сбербанк» і «Белаграпрамбанк».
За зняцце наяўных грашовых сродкаў па картках «Беларусбанку» ў банкаматах «Белінвестбанк» будзе брацца ўзнагароду ў памеры, устаноўленым па аперацыях у сетцы іншых банкаў Рэспублікі Беларусь - два з паловай адсотка ад сумы.
Такім чынам, банкаў-партнёраў стала на аднаго менш. Памятаеце пра гэта, калі эканоміце свае грошы! Тым больш, што банкаматы «Белінвестбанка» падобныя па колеры і афармленні на «беларусбанкаўскія». Глядзіце не пераблытайце, інакш плакалі два з паловай працэнты.
Наталля КАРАЛЬКЕВІЧ. Фота аўтар
Карта сайта