Падрабязнасці распавяла ў гутарцы з нашым карэспандэнтам галоўны спецыяліст аддзела эканомікі Чэрвеньскага райвыканкама Любоў Булойчык:
- Гэта ў нас ужо другая такая ўзнагарода. Першую атрымалі ў 2016 годзе.
На сённяшні дзень прадпрымальніцкай дзейнасцю ў раёне займаюцца больш за тысячу суб'ектаў гаспадарання. Амаль трэць з іх працуюць у аптовым і рознічным гандлі.
За мінулы год удзельная вага падатковых плацяжоў прадстаўнікоў прыватнага бізнесу ў кансалідаваны бюджэт раёна склала больш за 86 адсоткаў, а ўдзельная вага ў тавараабароце - больш за 70. Таксама прадпрымальнікі ўносяць вялікі ўклад у паказчыкі знешнеэканамічнай дзейнасці раёна. Іх доля ў раённым аб'ёме экспарту дасягнула ў мінулым годзе 98 працэнтаў.
Акрамя таго, прыватны бізнес забяспечвае фарміраванне канкурэнтнага асяроддзя, спрыяе скарачэнню беспрацоўя, увядзенні ў гаспадарчы абарот невыкарыстоўваемай і неэфектыўна выкарыстоўваемай дзяржаўнай маёмасці.
Ігар Адамовіч. Фота Святланы Курэйчык (МЛЫН.BY)
Карта сайта