Нягледзячы на меры з боку органаў унутраных спраў па супрацьдзеянні незаконнаму абароту зброі, усё ж працягваюць мець месца выпадкі захоўвання грамадзянамі незарэгістраванай зброі, боепрыпасаў і выбуховых рэчываў, якія, як правіла, выкарыстоўваюцца ў злачынных мэтах.
За час спецыяльнага комплекснага мерапрыемства «Арсенал» канфіскаваныя 2 адзінкі зарэгістраванай паляўнічай гладкаствольнай зброі, 1 адзінка незарэгістраванай паляўнічай гладкаствольнай зброі.
У чарговы раз хочацца звярнуць увагу жыхароў раёна, што за незаконнае захоўванне паляўнічай гладкаствольнай зброі прадугледжана адказнасць па артыкуле 23.71 КаАП - накладанне штрафу ў памеры ад 10 да 30 базавых велічынь з канфіскацыяй прадмета адміністрацыйнага правапарушэння або без канфіскацыі. За незаконнае захоўванне агнястрэльнай зброі з наразным ствалом, боепрыпасаў і выбуховых рэчываў - крымінальная адказнасць па артыкуле 295 КК РБ (пакаранне аж да 12 гадоў пазбаўлення волі).
Раённы аддзел унутраных спраў звяртаецца з просьбай да жыхароў раёна паведамляць пра асоб, якія без дазволу захоўваюць або носяць агнястрэльную зброю, боепрыпасы, выбуховыя рэчывы, а таксама пра тых, хто жадае незаконна набыць ці збыць іх, па тэлефонах «гарачай лініі» - 52795, мабільны МТС (8033) 6828479 або 102.
Таксама хацелася б звярнуцца да грамадзян, у якіх маецца зброя без адпаведнай рэгістрацыі, і заклікаць іх добраахвотна здаць у дзяжурную частку РАУС або патэлефанаваць па вышэйпаказаных тэлефонах.
Памятаеце, што асоба, якая добраахвотна здалі зброю, выбуховыя рэчывы або прылады, вызваляецца ад адміністрацыйнай і крымінальнай адказнасці.
Віктар Лапко, намеснік начальніка Чэрвеньскага РАУС - начальнік міліцыі грамадскай бяспекі
Карта сайта