На «Дажынках» будуць працаваць выставы імправізаваных «падворкаў», на якіх кожны раён вобласці прадставіць тэматычную выставу-прэзентацыю асноўных брэндаў рэгіёну. Будзе таксама выстава караваяў і дажыначных снапоў ад кожнага раёна, гасцям прадставяць «Дажыначнага сноп - 2019» і галоўны каравай Мінскай вобласці.
На «Барысаў-Арэне» будзе працаваць «горад майстроў» - выставы і майстар-класы майстроў па ганчарстве, саломапляценні, лозапляценнi, выцінанцы, ткацтве, разьбе па дрэве і інш.
Выказваючы даніну павагі працаўнікам вёскі, працаўнікі творчай сферы, культуры, ідэалогіі стварылі дзіўныя саламяныя фігуры ўздоўж дарогі «Мінск-Магілёў». Кожны падарожны абавязкова прытармажвае, каб падрабязна разгледзець вялізныя скульптуры.
З кожным новым ураджаем такая народная «палявая» творчасць становіцца дасканалей і цікавей па кампазіцыі.
Галіна Гамеза. Фота аўтара
Карта сайта