Першыя заняткі сабралі каля 30 хлопчыкаў і дзяўчынак. Папярэдне іх разбілі на ўзроставыя групы. Малодшаму вучню - усяго чатыры гады. З усёй сур'ёзнасцю свайго ўзросту ён старанна паўтарае рухi за настаўнікам.
Чым «Легенды каратэ» адрозніваюцца ад астатніх клубаў? - з гэтым пытаньнем звярнуліся да Іллі Алейніка, трэнера, пераможцы першынстваў свету і Еўропы, па сумяшчальніцтве - кіраўніку клуба.
- Мы займаемся прапагандай і развіццём алімпійскага і традыцыйнага каратэ ў рэгіёнах, - тлумачыць ён. - Калі вы паглядзіце спісы рабят, якія ўдзельнічаюць у спаборніцтвах на рэспубліканскім узроўні, то ўбачыце, што там у асноўным хлопцы з Мінска, абласных і буйных гарадоў нашай краіны. У той час як у маленькіх гарадках, вёсках і сёлах пражываюць не менш таленавітыя хлопцы, якія пры належнай падрыхтоўцы могуць і павінны выступаць на спаборніцтвах рознага ўзроўню. І ўвесь трэнерскі склад клуба накіраваны на падрыхтоўку нашых хлопцаў для ўдзелу не толькі на рэспубліканскім узроўні, але і ў міжнародных спаборніцтвах пад эгідай Сусветнай федэрацыяй каратэ (WKF) і алімпійскіх гульнях.
- Чым адрозніваюцца спаборніцтвы пад эгідай WKF ад іншых?
- Турніры Сусветнай федэрацыяй каратэ - яны прафесійнага ўзроўню. Сам ўдзел у гэтых спаборніцтвах ужо прэстыжны. Але, каб туды патрапіць, неабходна добра сябе зарэкамендаваць на міжнародных турнірах розных федэрацый.
- Як вы будзеце рыхтаваць Чэрвеньскага рабят да турніраў такога высокага ўзроўню?
- Не паглыбляючыся ў спосабы і метады падрыхтоўкі, толькі скажу, што без падтрымкі бацькоў любая методыка падрыхтоўкі асуджаная на правал. Калі бацькі будуць падтрымліваць сваіх дзяцей, дапамагаць ім, сачыць за іх поспехамі, то, упэўнены, мы даможамся многага.
- І якім чынам бацькі павінны дапамагаць сваім дзецям у частцы вывучэння каратэ?
- Па-першае, правяраць у іх хатняе заданне, якое мы даем дзецям. Па-другое, прымаць актыўны ўдзел у жыцці дзіцяці і клуба. Па-трэцяе, сваім асабістым прыкладам прывіваць дзіцяці заняткі спортам.
- Бацькам таксама павінны займацца каратэ?
- Не абавязкова. Дастаткова проста дома рабіць зарадку або дапамагчы дзіцяці выканаць хатняе заданне па каратэ. І дзіця, гледзячы на старэйшых, будзе імкнуцца да лепшага. Бацькі павінны разумець, што каратэ займаюцца тысячы хлопчыкаў і дзяўчынак у нашай краіне, а вось чэмпіёнамі становяцца адзінкі.
- У якім узросце лепш прыступаць да трэніровак?
- Пачынаць можна ўжо з 5 гадоў. Але гэта ўмоўная планка. Для прыкладу магу прывесці сусветна вядомага каратысты Чака Норыса, які стаў займацца баявымі мастацтвамі, калі служыў у войску. Каб займацца каратэ, неабходна пракансультавацца ў лекара, ці ёсць у дзіцяці супрацьпаказанні да гэтага віду спорту. Аднак, на прасторах інтэрнэту можна прачытаць гісторыі-выключэнні з правілаў. Да прыкладу, вядомы майстар каратэ Масатошы Накаяма трапіў у снежную лавіну і ледзь не загінуў. Лекары прадракалі яму смерць праз некалькі дзён. Аднак, нягледзячы на забароны дактароў, майстар вярнуўся да трэніровак і пражыў яшчэ 16 гадоў.
- Як выступаюць вашы выхаванцы на рознага роду турнірах?
- Скажам, у верасні гэтага года праходзіў Кубак Беларусі / Прыз адкрыцця сезона-2019, дзе хлопцы з нашага клуба заваявалі па два залатыя, сярэбраныя і бронзавыя медалі. Дадзены турнір праходзіў з мэтай адбору спартсменаў для ўдзелу ў чэмпіянаце свету па каратэ ў Чэхіі. У нас досыць вялікі спіс мерапрыемстваў, у якіх нашы выхаванцы будуць удзельнічаць далей: пачынаючы ад рознага роду паказальных выступленняў і заканчваючы спартыўнымі і трэніравальнымі лагерамі.
- Поспехаў вам у ажыццяўленні планаў. І спадзяемся, што вы зможаце з Чэрвеньскiх рабят выхаваць чэмпіёнаў свету ці Алімпійскіх гульняў.
- Дзякуй, трэнерскі склад нашага клуба прыкладзе ўсе намаганні і нават больш.
Карта сайта