Майя Прач:
- Я думаю, карупцыя існавала заўсёды. У розныя часы прымала, праўда, розныя формы. Бо нават у вельмі багатых краінах, з высокім узроўнем жыцця таксама затрымліваюць карупцыянераў. І страшныя пакаранні, аж да смяротнага пакарання, іх не спыняюць.
Яўген Бабіцкі:
-На мой погляд, карупцыя існуе таму, што асобныя грамадзяне хочуць мець шмат і адразу, не прыкладваючы асаблівых разумовых, фізічных высілкаў. Працуючы на пэўнай пасадзе, такі чалавек думае перш за ўсё не пра справу, а пра ўласнае узбагачэнне. Ну так арганізаваў бы уласную справу і зарабляў бы шмат. Але, відаць, на гэта розуму не хапае.
Аляксандр Роскач:
-На жаданне людзей жыць крута, то есць багата: не адмаўляць у ажыццяўленні жаданняў ні сабе, ні блізкім, адпачываць на дарагіх курортах, ездзіць на шыкоўных машынах, мне думаецца, аказвае ўплыў малюнак прыгожага жыцця, карцінкі, якія мільгаюць з экранаў кіно і тэлебачання. Яны запальваюць у неакрэплых сэрцах агонь «залатога цяля». А між тым усё з тых жа экранаў распавядаецца аб вар'яцтве, суіцыдах, разбураных сямейных адносінах і каштоўнасцях у людзей, схапіла поспех за хвост. Не ў грошах шчасце. Самы дарагі рубель - зароблены ўласнымі розумам і сілай.
Галіна Гамеза. Фота аўтара
Карта сайта