Віталь Труш, які двойчы абіраўся старшынёй раённага прафсаюза педагогаў, і дзесяць гадоў прапрацаваў на гэтай пасадзе, зняў з сябе паўнамоцтвы па ўласным жаданні.
Перад працэдурай абрання новага лідэра Віталь Труш выступіў з справаздачных дакладам, у якім падрабязна спыніўся на выкананай галіновым раённым прафсаюзам працы, на задачах, вырашэнне якіх павінен працягнуць зноў абраны раённы камітэт.
З прывітальным словам да прысутных звярнулася намеснік старшыні Чэрвеньскага райвыканкама Ала Шахоцька. Яна падзякавала ўсім актывістам прафсаюзнага руху за працу, пажадала ўсім здароўя, дабрабыту і выказала ўпэўненасць у тым, што зноў выбраны прафсаюзны актыў будзе годна працягваць традыцыі прафсаюза работнікаў адукацыі і навукі Чэрвеньскага раёна.
Добрую працу раённага прафсаюза работнікаў адукацыі і навукі і плённае супрацоўніцтва адзначыла і старшыня раённага аб'яднання прафсаюзаў Вольга Коцiна.
Ад імя Федэрацыі прафсаюзаў Беларусі Віталю Трушу які прысутнічаў на прафсаюзнай справаздачна-выбарчай канферэнцыі старшыня Мінскага абласнога галіновага прафсаюза Мікалай Блашко ўручыў медаль «115 гадоў прафсаюзнаму руху ў Беларусі» за актыўны ўклад у яго развіццё, а таксама ад імя Прэзідыума Цэнтральнага камітэта Беларускага прафесійнага саюза работнікаў адукацыі і навукі нагрудны знак «За адданасць галіноваму прафсаюзу».
Мікалай Мікалаевіч выказаў словы падзякі Віталю Іванавічу за добрасумленную працу, за яго выдатныя прафесійныя і чалавечыя якасці.
Больш падрабязную інфармацыю вы знойдзеце ў адным з нумароў «Раённага весніка». Сачыце за публікацыямі.
Таццяна Марцьянава. Фота аўтара
Карта сайта