Для дзяцей арганізавалі самыя разнастайныя майстар-класы, хлопцы рабілі сабе яркія прычоскі і аэрагрым, а таксама з задавальненнем стваралі казачныя размалёўкі.
Выхаванцы нашага дома-інтэрната другі раз прымалі ўдзел у такім мерапрыемстве. Кожнае дзіця магло адчуць сябе кліентам элітнага цырульніцкага салона або мадэлі аквадызайнера. Хтосьці мог праявіць сябе ў якасці мастака-афарміцеля, хтосьці размалёўваў салодкія пернікі, пакуль іншыя весяліліся ў асяроддзі шматлікіх аніматараў - казачных герояў з мультфільмаў. Асаблівую цікавасць у дзяцей выклікалі сабачкі, якія даверліва на задніх лапках ішлі на рукі і з задавальненнем фатаграфаваліся. У фае любы мог бясплатна зрабіць здымак у спецыяльна абсталяваных фотозонах. Ужо праз 15 секунд хлопцы, сціскаючы ў руках фота, радасна абмяркоўвалі захаваныя моманты.
Кульмінацыяй свята стала цыркавое прадстаўленне, якое прыдумалі спецыяльна для гэтага вечара.
Кожнае дзіця павезла з цырка не толькі неверагодныя эмоцыі і ўражанні, але і падарунак - цацачных герояў мультфільмаў і казак.
Анжэла Рымашэўская, намеснік дырэктара Чэрвенскага дома-інтэрната для дзяцей-інвалідаў і маладых інвалідаў з асаблівасцямі псіха-фізічнага развіцця. Фота аўтара
Карта сайта