Арганізатар турніру Беларуская Рэспубліканская асацыяцыя таеквон-да сабрала на гэтых спаборніцтвах клубы з усёй краіны. Для юных спартсменаў гэта былі першыя спаборніцтвы ў навучальным годзе.
Спартсмены да васьмі гадоў выступалі ў двух відах праграмы: туль (комплекс з удараў і блокаў) і тэст на хуткасць (найбольшая колькасць удараў за адзінку часу). Дзеці з васьмі гадоў выступалі ў трох відах: туль, масогi (спарынг) і спец-тэхніка (ўдары ў скачку).
Ва узроставай катэгорыі да 8 гадоў Чэрвень прадстаўлялі трое спартсменаў. Архіп Клындзюк стаў першым у тэсце на хуткасць і трэцім у раздзеле туль, Злата Бельская і Арцём Куршакоў сталі трэцімі ў раздзеле туль, Максім Куршакоў - другі ў раздзеле туль.
Самым маленькім удзельнікам стварылі аптымальныя ўмовы для канкурэнцыі. Кожнае дзіця трапіла у сваю катэгорыю па поясе (узровень майстэрства) і ўзросце.
У старэйшай узроставай катэгорыі была сур'ёзная канкурэнцыя. У складзе каманды выступалі 7 юных чэрвенцаў. У кожнай узроставай катэгорыі байцу праходзілася вытрымаць 4 ці 5 паядынкаў для атрымання першага месца. Для 8-9 гадовых дзяцей вытрымаць такую колькасць выхадаў на дыван вельмі не проста. Тым не менш, нашы спартсмены выступілі годна.
Анастасія Куршакова заняла другое месца ў раздзеле туль і другое ў спарынгах, Аляксандр Хацкевіч стаў першым у раздзеле туль і трэцім у масогi.
У вагавой катэгорыі Арцёма Якаўлева была велізарная колькасць удзельнікаў. Але ён паспяхова справіўся з хваляваннем і пастаўленай трэнерам задачай, стаў трэцім у масогi і трэцім у раздзеле туль.
Самы старэйшы з спартсменаў, Арцём Пірштук, стаў трэцім у туль і трэцім у масогi.
Ілля Парфіяновіч заняў другое месца ў раздзеле туль, Ціма Вернікоўскi - трэцяе месца ў раздзеле туль. Зіна Бушмялёва - трэцяе месца ў туль і другое ў спарынгах.
Падводзячы вынік выступлення рабят на «Белай Русі», трэнер чэрвеньскiх таэквандыстаў Алена Рашэтнікава сказала:
- Старт спаборніцкага сезону дадзены добры, планка ўзроўню дзяцей-спартсменаў па краіне вельмі высокая. Наступны прыпынак на шляху нашых спартыўных дасягненняў - гэта дваццаты міжнародны Калядны турнір. Мерапрыемства вельмі маштабнае, адбудзецца ў сярэдзіне снежня.
Сваімі перамогамі хлопцы прастаўляюць наш маленькі Чэрвень па ўсёй Беларусі і за яе межамі. Пажадаем далейшых поспехаў нашым спартсменам! Хай імя нашага горада гучыць горда і моцна!
Наталля КАРАЛЬКЕВІЧ. Фота Алены Рашэтнікавай
Карта сайта