Каманды справіліся з заданнем аднолькава. Яшчэ адна эстафета была не менш захапляльнай. Называлася яна «Не замачы ножкі». Дзеці абувалі «галёшы» - іх зрабілі з пластыкавых бутэлек - і з парасонам у руках павінны былі пераскокваць праз «лужыны». Выглядала гэта смешна і пацешна. Бацькі дружна апладзіравалі хлопцам.
Танец з парасонамі прадэманстравалі дзяўчынкі. А «мухаморчыкі», якіх малявалі хлопчыкі, трапілі ў кошык да ўнучкі Машанькi, якая і «прынесла» іх да «дзеда» і «бабкi». А потым на свята прыйшла «Восень», і дзеці падарылі ёй свае вершы і песні. А яшчэ пагулялі ў «агарод» і «сад». Хлопцы прадэманстравалі добрыя веды аб гародніне і садавіне.
«Восень» парадавалася прыгожым вырабам, якія падрыхтавалі хлопцы разам з бацькамі да свята. А за лепшыя вырабы дзеці атрымалі ад яе медалі.
Свята падрыхтавалі выхавальнік Ганна Міхайлаўна Шыкло і музычны кіраўнік Таццяна Віктараўна Падбiльская.
Таццяна Марцьянава. Фота аўтара
Карта сайта