Пасля прагляду відэароліка пра сучасную беларускую армію прызыўнікоў павіншавалі начальнік групы прызыву на вайсковую службу Чэрвеньскага і Бярэзінскага ваеннага камісарыята Аляксандр Дзюк, падпалкоўнік запасу Станіслаў Альшэўскi, начальнік аддзела ідэалагічнай работы, культуры і па справах моладзі Лідзія Шчацінка, першы сакратар райкама БРСМ Павел Клындзюк. Святар Аляксандр Лазоўскі блаславіў рабят і падарыў кожнаму абразок, закліканы абараняць і ахоўваць падчас нясення службы.
Чулліва прагучалі са сцэны словы пажадання мамы прызыўніка, Галіны Сямёнавай. Ірына Краснагір з раённага аддзела Дэпартамента аховы МУС РБ запрасіла хлопцаў пасля праходжання тэрміновай службы на працу ў Дэпартамент аховы.
Пасля ўручэння позваў для прызыўнікоў з невялікім канцэртам выступілі маладыя вакалісты Цэнтра культуры і адпачынку.
Наталля КАРАЛЬКЕВІЧ. Фота аўтара
Карта сайта