З дакладам аб рабоце за апошнія пяць гадоў на ёй выступіла старшыня райкама прафсаюза Ларыса Яфіменка.
- Аналізуючы правядзенне справаздачнай кампаніi можна сказаць, што, нягледзячы на эканамічныя і фінансавыя цяжкасці, прафсаюзныя камітэты змаглі ўтрымаць сацыяльную напружанасць у перыяд зніжэння заработнай платы ў многіх арганізацыях да мінімальнай, не дазволілі паменшыць, а ў многіх калектыўных дагаворах нават павялічылі гарантыі, льготы, выплаты, - адзначыла яна. - На сходах людзі з удзячнасцю казалі пра тое, што прафсаюз ўзяў на сябе рашэнне многіх пытанняў жыццядзейнасці калектываў.
Ларыса Яфіменка падрабязна спынілася на дасягненнях і праблемных момантах у рабоце арганізацыі. Дэлегаты канферэнцыі таксама заслухалі справаздачу старшыні рэвізійнай камісіі Святланы Рабёнак.
У абмеркаванні дакладу ўдзельнічалі старшыня першаснай арганізацыі Смілавіцкага сельскагаспадарчага ліцэя Людміла Гаркавая, член прафкама ААТ «Раванічы» Ала Міцкевіч, член прафкама навучэнцаў Смілавіцкага аграрнага каледжа Ганна Якжык, член прафкама ААТ «10 з'езд Саветаў» Алена Батурына, старшыня прафкама Чэрвеньскага будаўнічага ліцэя Зінаіда Кудзіна, тэхнічны інспектар Мінскага абкама прафсаюза работнікаў АПК Аляксандр Мотуз і намеснік старшыні Чэрвеньскага райвыканкама Ала Шахоцька, намеснік начальнік ўпраўлення па сельскай гаспадарцы і харчаванню райвыканкама Наталля Лявонава.
На канферэнцыі адкрытым галасаваннем абралі старшыню раённай арганізацыі прафсаюза работнікаў АПК. Ім засталася дзеючы прафсаюзны лідэр Ларыса Яфіменка.
Таксама абраны склад райкама прафсаюза ў колькасці 35 чалавек і рэвізійная камісія.
Больш падрабязна пра ІХ справаздачна-выбарчай канферэнцыі раённай арганізацыі прафсаюза работнікаў АПК чытайце ў адным з бліжэйшых нумароў газеты «Раённы веснік».
Ігар Адамовіч. Фота аўтара
Карта сайта