За мінулы перыяд супрацоўнікамі мытні выяўлена 48 фактаў незаконнага перамяшчэння праз мяжу наркатычных сродкаў, псіхатропных рэчываў і лекавых прэпаратаў, якія змяшчаюць у сваім складзе наркатычныя сродкі і псіхатропныя рэчывы. З незаконнага абароту канфіскавана больш за 3 кг макавай саломы, 500 г травы эфедры, 60 г кадэіна, 32 г марыхуаны, 10 г гераіну, 0,5 г какаіну і інш. забароненых рэчываў.
За студзень - верасень бягучага года мытняй распачата 40 крымінальных спраў, што на 50% больш, чым за аналагічны перыяд 2018 года.
Акрамя таго, мытнікамі выяўлена больш за 7,5 тыс. адміністрацыйных правапарушэнняў.
Сучасная інфраструктура, тэхнічныя сродкі мытнага кантролю, якія былі мадэрнізаваны і ўдасканалены напярэдадні правядзення II Еўрапейскіх гульняў, прымяненне спецыяльна падрыхтаваных службовых сабак дапамагаюць выяўляць і спыняць парушэнні мытнага заканадаўства.
Службовымі асобамі МРТ у справаздачным перыядзе прадухілены незаконны вываз з мытнай тэрыторыі ЕАЭС 6 кг неапрацаванага бурштыну, спынена 3 спробы незаконнага ўвозу ў краіну з дапамогай МПО марыхуаны, а таксама какаіну ў электрамашынцы для стрыжкі валасоў, сем фактаў ўвозу буйной партыі маторных алеяў без дазволу праваўладальніка і больш за 14 кг некурыльнага тытуню насвай.
Таццяна Ліннік, Мінская рэгіянальная мытня, інспектар аддзела ідэалагічнай работы
Карта сайта