У нядзелю 3 лістапада ў спартыўнай школе адбылося мерапрыемства для новенькіх - тых, хто толькі збіраецца зрабіць на воднай дарожцы першыя грабкі. «Пасвячэнне ў плыўцы» прайшлі навучэнцы групы пачатковай падрыхтоўкі. А правялі цырымонію трэнер Міхаіл Тарасаў і яго падапечныя з старэйшай групы. Па такім выпадку хлопцы разыгралі невялікае воднае прадстаўленне з Нэптунам і русалкамі.
Выйшаўшы на бераг у суправаджэнні світы русалак-спартсменак, «уладар вады» прысвяціў пачаткоўцаў у плыўцы, лёгенька крануўшы кожнага сваім трызубцам.
Зараз навучыцца плаваць малышам будзе лёгка: бо яны ўжо прыняты ў дружную спартыўную сям'ю! Будзем чакаць і першых вынікаў на спаборніцтвах. Лёгкай вады новым «залатым рыбкам»!
Наталля КАРАЛЬКЕВІЧ. Фота аўтара
Карта сайта