Валанцёры з ліку прадстаўнікоў грамадскіх арганізацый і аб'яднанняў правядуць пікеты, флэш-моб, аўтапрабег «Насустрач выбарам» і многае іншае. Удзельнікі акцыі будуць раздаваць кішэнныя календары з тэматыкай выбарчай кампаніі, запрашаць жыхароў прыняць удзел у выбарах і такім чынам выканаць свой грамадзянскі абавязак.
Валанцёры таксама праінфармуюць аб мерапрыемствах, якія будуць арганізаваны ў дзень выбараў на выбарчых участках. Упершыню дадзеныя мерапрыемствы пройдуць на такім маштабным узроўні.
Кожны грамадзянін, прыйшоўшы на выбарчы ўчастак і прагаласаваўшы, зможа адзін ці разам з сям'ёй прыняць удзел у майстар-класах, спартыўных турнірах, віктарынах-розыгрышах, наведаць кірмашы-продажы, канцэртныя пляцоўкі, выставы народна-прыкладнога творчасці, таксама будзе арганізавана работа гандлёвых аб'ектаў і не толькі.
Карта сайта