Таму дзейнасць метадычных аб'яднанняў не зводзіцца толькі да правядзення тэарэтычных заняткаў, а накіравана на аказанне канкрэтнай дапамогі кожнаму педагогу ў авалоданні інавацыйнымi формамi і метадамi работы.
На мінулым тыдні Лядзенскi дзіцячы сад-сярэдняя школа адчыніў дзверы для сваіх гасцей - удзельнікаў семінара раённага метадычнага аб'яднання настаўнікаў пачатковых класаў, выяўленчага мастацтва, музыкі, АБЖ (забеспячэння бяспекі жыццядзейнасці). Гэтая сустрэча прайшла пад дэвізам: «Дзейнічаем разам у інтарэсах дзяцей».
Удзельнікаў і гасцей семінара гасцінна сустракаў педагагічны калектыў на чале з дырэктарам школы Ірынай Мікалаеўнай Змачынскай.
У ходзе метадычнага пасяджэння педагогі не толькі абмеркавалі тэарэтычныя аспекты і актуальныя пытанні па тэме «Актывізацыя вучэбнай дзейнасці вучняў пачатковых класаў па авалоданні прадметнымі і метапрадметныя кампетэнцыямі» (метапрадметны падыход - новы стандарт, які дазваляе вывучаць дысцыпліны ў сувязі адна з адной), але і прыняць удзел у майстар-класе «Ментальная арыфметыка (праграма, заснаваная на сістэме хуткага вуснага рахунку), як сродак развіцця інтэлектуальных здольнасцяў навучэнцаў», які правяла настаўнік пачатковых класаў Людміла Міхайлаўна Соніч. Пры правядзенні майстар-класа педагог расчыніла сваю душу, каб натхніць, зацікавіць сваіх калег асабістым прыкладам, які паўплывае на ход іх думак, зменіць погляды на жыццё і працэс навучання.
Усе ўдзельнікі семінара набылі новы вопыт, новыя веды, якія накіруюць у першую чаргу на вырашэнне канкрэтных праблем. У вачах педагогаў была бачна жывая цікавасць да таго, пра што ім распавядалі і чаму іх вучылі. А яшчэ пра гэта сведчылі водгукі ўдзельнікаў семінара, аб добрай арганізацыі і змястоўнасці прадстаўленых матэрыялаў.
Святлана Казлоўская
Карта сайта