«Зорачку» трэніруе Ірына Вабішчэвіч. У складзе каманды - гімназісткі-старшакласніцы, да якіх паспеў адразу ж пасля папярэдняга, рэспубліканскага турніру, які праходзіў днём раней, падключыцца дзевяцікласнік СШ №4 Павел Барбук.
Каб займець «Баранкі», удзельнікам прыйшлося прайсці масу розных, хоць і займальных, але цяжкіх інтэлектуальных выпрабаванняў. «Эрудыт-квартэт», «101» і «B-quiz», «Хет-трык», «Гонка за лідэрам», традыцыйнае «Што? Дзе? Калі?» - вытрымаць напал барацьбы было нялёгка. Але «Зорачка» - не пачатковец у падобных мерапрыемствах. Дасведчанасць рабят разам з вялікім багажом ведаў, эрудыцыяй і згулянасць каманды, а таксама падтрымка трэнера дапамаглі выйграць «Гонку за лідэрам», заняць другое месца ў «Што? Дзе? Калі?» i другое ў «Хет-трык».
У выніку - выдатны агульны вынік: «Зорачка» заняла другое месца на міжнародным турніры!
Выдатныя вынікі прадэманстравалі і іншыя каманды Мінскай вобласці. Першае месца заняла каманда з Лагойска «Вялікі прайгравальнік» (трэнер - Вадзім Кузміч, вядомы Чэрвенскім знаўцам як вядучы і суддзя, у тым ліку і Чэрвеньскім турніраў).
Віншуем хлопцаў і іх трэнера з выдатным вынікам!
Наталля КАРАЛЬКЕВІЧ. Фота Ірыны Вабішчэвіч
Карта сайта