На Маякоўскім выбарчым участку №57 атрымала бюлетэнь выбаршчыка Валянціна Эдуардаўна Навіцкая, мама нашага земляка касманаўта Алега Навіцкага, ветэран працы. Валянціна Эдуардаўна амаль 40 гадоў прапрацавала ў мясцовым камбінаце бытавога абслугоўвання закройшчыкам мужчынскага верхняга адзення. У многіх чэрвенцаў у шафе ёсць хоць адна рэч, выкананая рукамі гэтай Майстрыхі з вялікай літары.
-На выбары хаджу заўсёды. Галасую датэрмінова. У выхадныя прыязджаюць дзеці і ўнукі, - распавяла Валянціна Эдуардаўна, - Хачу даўжэй пабыць з імі, парадаваць смачнасцямі.
На Грабенскі выбарчы ўчастак №80, абапіраючыся на палачку, не спяшаючыся прыйшла Марыя Раманаўна Якавін, 1933 года нараджэння. Марыя Раманаўна мае 38 гадоў педагагічнага стажу. Яна была настаўніцай малодшых класаў.
-Адзiн час вяла нават фізкультуру, - кажа Марыя Раманаўна, - А цяпер вось з палачкай хаджу. Добра, што ў ганка Дома культуры, дзе размяшчаецца ўчастак, ёсць пандус. Па прыступках мне падымацца ўжо цяжка. А вырашыла прагаласаваць сёння, таму дзень добры, сонечны. Прыемна прагуляцца па роднай вёсачцы, сустрэць аднавяскоўцаў, пагаварыць.
Старшыня камісіі Алена Вяргейчык выпраўляе Марыю Раманаўну
Галіна Гамеза. Фота аўтара
Карта сайта