Урачыстая рэгістрацыя шлюбу прайшла ў кабінеце загадчыка аддзела ЗАГС. Галоўны спецыяліст аддзела Анастасія Канапелька падрыхтавала маладым людзям выдатнае віншаванне. Работнікі ЗАГСа стварылі святочную абстаноўку для правядзення цырымоніі. Максім і Марыя ў суправаджэнні сяброў і сябровак былі шчаслівыя. А выходзячы з будынка Чэрвеньскага раённага выканаўчага камітэта, дзе часова размяшчаецца аддзел запісу актаў грамадзянскага стану, маладыя апынуліся ў кампаніі групы маладых людзей - удзельнікаў маладзёжнай акцыі «Выбаршчык, табе карысна ведаць».
Максіма і Марыю віншавалі зусім незнаёмыя людзі, жадалі шчасця, дастатку, любові. Ім гучна апладзіравалі і крычалі «горка».
Пасля такой нечаканай падтрымкі, Максім і Марыя адправіліся на выбарчы ўчастак, каб выканаць грамадзянскі абавязак, бо яны цяпер сям'я, і думаць павінны пра стабільнасць, парадак і мiр ў краіне. Максім - жыхар Чэрвеня. Ён прыпісаны да Гарбачоўскага выбарчага участка №58. Участак размяшчаецца ў сярэдняй школе №3, якую ў свой час сканчаў Максім. Старшыня камісіі Людміла Кацько сустрэла маладых, павіншавала, пажадала шчасця, дабра і прапанавала прагаласаваць. Максім быў у спісах, а Марыю, па яе жаданні, ўнеслі ў дадатковы спіс.
Выканаўшы пачэсным абавязкам, маладыя людзі з сябрамі адправіліся святкаваць дзень шлюбу.
Галіна Гамеза. Фота аўтара
Карта сайта