Столькі гадоў гэтага выдатнага, разумнага, вясёлага чалавека ўжо, на вялікі жаль, няма з намі, а памяць пра яго па-сапраўднаму жывая. Пра гэта кажа і тое, што кожны год на турнір збіраюцца каманды, у тым ліку ў абавязковым парадку - «Парабелум», якую трэніраваў Юрый.
У суботу ў гімназіі сабраліся 5 каманд: адвечныя супернікі «Дарослыя» і «Вёска», а таксама «Парабелум», студэнцка-школьна-настаўніцкая зборная «Хіпі» і частка «Зорачкі», якая назвалася «Пятая каманда».
З пераменнай перавагай змагаліся за лідэрства смiлаўчане з «вясковымi» чэрвенцамi. У гэтую барацьбу часта і паспяхова ўкліньваюцца больш юныя гульцы.
Але ў выніку вопыт ўсё-такі ўзяў сваё. У ЧГК, якая была яшчэ і 1-м турам чэмпіянату вобласці сярод дарослых, перамаглі «Дарослыя».
У «Эрудыт-квартэце» «Вёска», па пачатку з'ехаўшы «у мінус», змагла ўзяць сябе ў рукі і пры дапамозе вытрымкі і запасу ведаў у выніку перамагла ўсіх супернікаў.
Галоўны кубак турніру - у «Дарослых», так як вынік ЧГК больш статусны, чым вынік «Эрудыт-квартэта».
Арганізатары турніру дзякуюць вядучаму Ігару Сячко за правядзенне гульні.
Наталля КАРАЛЬКЕВІЧ. Фота аўтара
Карта сайта