Што тычыцца Чэрвеньскага раёна, то за 9 месяцаў 2019 года ў Чэрвеньскім раёне нарадзілася 248 дзяцей (за аналагічны перыяд 2018 - 250 дзяцей). Паказчык нараджальнасці на 1 тыс. чалавек склаў 7,8 (у 2018 - 7,8).
Памерла ў рэгіёне за гэты ж перыяд 359 чалавек (2018 - 374 чал.). Паказчык агульнай смяротнасці склаў 11,3 выпадкаў на 1 тыс. насельніцтва (2018 - 11,8).
Зарэгістравана 136 шлюбаў (2018 - 131), 61 развод (2018 - 100).
У раёне выконваецца праграма «Здароўе народа і дэмаграфічная бяспека», распрацаваная на 2016-2020 гады.
Міхаіл Вішнявецкі адзначыў, што ў наступным годзе ў Чэрвеньскім раёне пройдуць абласныя «Дажынкі», гэта гонар для раёна, а з другога боку - гэта мабілізацыя ўсіх сіл і магчымасцяў як адміністрацыі раёна, так і людзей для падрыхтоўкі да гэтай падзеі. Вядома ж гэта палепшыць і вашу матэрыяльна-тэхнічную базу. Правядзенне такіх мерапрыемстваў дае такую магчымасць. Праект ужо вызначаны: што будзе рабіцца ў цэнтральнай раённай бальніцы, што па Смілавічах - будзе яшчэ ўдакладняцца, так як ідзе фарміраванне бюджэту на наступны год.
Міхаіл Лявонцьевіч таксама паведаміў, што служба «хуткая дапамога» пяройдзе ў абласное падпарадкаванне. Ён адказаў на пытанні работнікаў гэтай службы райбальніцы пра тое, якія змены іх чакаюць у працы. Растлумачыў, што сёння на гэтую службу ўскладзеныя шмат функцый, ёй не уласцівых. Праца «хуткай» будзе арганізавана так, каб палепшыць даступнасць экстраннай і неадкладнай медыцынскай дапамогі насельніцтву, патлумачыў, на канкрэтных прыкладах, як гэта будзе працаваць, якія аўтамабілі і як будуць працаваць вадзіцелі. Для «хуткай дапамогі» межаў не будзе. Усе гэтыя меры палепшаць якасць і камфорт працы як медперсаналу, так і вадзіцеляў.
Таццяна Марцьянава. Фота аўтара
Карта сайта