Удзел у турніры прынялі спартсмены 2003-2004-га і 2005-2006 гадоў нараджэння. Спаборнічалі прадстаўнікі Расіі, Латвіі і Беларусі.
Чэрвеньскiя хлопцы склалі як замежным гасцям, так і братам-беларусам годную канкурэнцыю. Мікіта Ліпкін тройчы ўздымаўся на п'едэстал: у бегу на 60 метраў у яго 2-е месца, у скачках у вышыню - 2-е месца і ў скачках у даўжыню - таксама 2-е месца.
Міхаіл Пенкрат заняў трэцяе месца ў бегу на 60 метраў, Дар'я Журкiна стала другой у скачках у даўжыню, у Валерыі Качана - трэцяе 3-е месца ў бегу на 60 метраў з бар'ерамі.
Хто такі Сяргей ХАМЧУК?
Гэта бліскучы педагог, метадыст, адзін з лепшых дзіцячых трэнераў Беларусі. Падрыхтаваў дваіх удзельнікаў Алімпійскіх гульняў і траіх чэмпіёнаў СССР, многія з яго вучняў сталі кандыдатамі ў майстры і майстрамі спорту.
Хамчук выкарыстаў спорт для ўдасканалення чалавечых якасцяў сваіх вучняў. Яго выхаванцы абаранілі кандыдацкія дысертацыі па фізіцы, матэматыцы, эканоміцы, сталі вядомымі дактарамі, суддзямі, журналістамі.
Таленавіты трэнер не раз падкрэсліваў, што яго вучні ніколі не ўжывалі анаболікаў: «Медыкаментозны метад аднаўлення ў мяне адсутнічае. Адзіны і самы здаровае сродак - паслятрэніровачны душ».
Гэты трэнер памёр у 2003 годзе, калі яму было 67 гадоў. Мемарыяльны турнір праводзіцца штогод у мінскім лёгкаатлетычным манежы «Дынама».
Наталля КАРАЛЬКЕВІЧ. Фота Святланы КУРЬЯНЧЫК
Карта сайта