Чэрвеньскі раённы выканаўчы камітэт

Прапанову ўвязаць юбілейную дату ААН з 75-годдзем Перамогі ў Другой сусветнай вайне і правесці з гэтай нагоды знакавае мерапрыемства выказаў намеснік міністра замежных спраў Андрэй Дапкюнас. Беларуская дэлегацыя на чале з ім прымае ўдзел у 58-й сесіі Камісіі сацыяльнага развіцця ААН. Аб гэтым БЕЛТА паведамілі ў прэс-службе МЗС.

Сістэма вымярэння тэлеаўдыторыі пачне працаваць у Беларусі да канца года. Аб гэтым сёння паведаміў журналістам міністр інфармацыі Аляксандр Карлюкевіч пасля нарады кіраўніка дзяржавы з кіраўнікамі вядучых дзяржаўных сродкаў масавай інфармацыі, перадае карэспандэнт БЕЛТА.

Экспарт беларускай сельскагаспадарчай прадукцыі і прадуктаў харчавання ў Таджыкістан у 2019 годзе склаў $6,8 млн, што на 2,5 працэнта больш, чым у 2018 годзе. Аб гэтым ішла размова ў час беларуска-таджыкскай міжурадавай камісіі па пытаннях гандлёва-эканамічнага супрацоўніцтва пад старшынствам міністра сельскай гаспадаркі і харчавання Беларусі Анатоля Хацько, паведамілі БЕЛТА ў прэс-службе Мінсельгасхарча.

Больш за 4 млн кв.м жылля плануецца ўвесці ў эксплуатацыю ў Беларусі ў 2020 годзе пасля капітальнага рамонту, што складае 3 працэнты ад агульнага аб'ёму жылога фонду краіны. Аб гэтым паведаміў карэспандэнту БЕЛТА начальнік упраўлення жыллёвай гаспадаркі Мінжылкамгаса Андрэй Рамашка.

У Беларусі разглядаюць пытанне аб павелічэнні стандартнага выліку па падаходным падатку для сем'яў, якія выхоўваюць дзяцей. Такая інфармацыя размешчана на сайце Федэрацыі прафсаюзаў па выніках пасяджэння Нацыянальнага савета па працоўных і сацыяльных пытаннях, якое адбылося 5 лютага, паведамляе БЕЛТА.

Больш за 10 тыс. кватэр плануецца пабудаваць у Беларусі для шматдзетных сем'яў у 2020 годзе. Аб гэтым паведаміў намеснік прэм'ер-міністра Беларусі Уладзімір Кухараў, адказваючы на пытанні журналістаў перад пачаткам калегіі Мінбудархітэктуры, перадае карэспандэнт БЕЛТА.

Прафіцыт рэспубліканскага бюджэту Беларусі ў 2019 годзе складае Br3,2 млрд, паведамілі БЕЛТА ў Міністэрстве фінансаў.

Беларускі фонд фінансавай падтрымкі прадпрымальнікаў да 15 лютага прымае заяўкі на ўдзел у конкурсе інвестыцыйных праектаў для атрымання дзяржаўнай фінансавай падтрымкі, паведамілі БЕЛТА ў Міністэрстве эканомікі.

Урад зацвердзіў план падрыхтоўкі законапраектаў рэспубліканскімі органамі дзяржкіравання ў 2020 годзе. Адпаведнае рашэнне замацавана пастановай Савета Міністраў нумар 54 ад 29 студзеня 2020 года, паведамляе БЕЛТА са спасылкай на сайт урада.

Комплекс мерапрыемстваў па развіцці нацыянальнай інавацыйнай сістэмы на 2020 год зацверджаны пастановай Савета Міністраў ад 29 студзеня 2020 года нумар 53, паведамілі карэспандэнту БЕЛТА ў прэс-службе ўрада.