Нарадзіўся Генадзь Пятровіч у вёсцы Ліпавец Ушацкага раёна. На Ушаччыне закончыў сярэднюю школу. Потым была служба у арміі, вучоба на біялагічным факультэце БДУ.
Так здарылася, што на сваю маленькую радзіму пісьменнік ужо не вярнуўся. Зараз жыве ў Чэрвені. Пэўны час працаваў у Чэрвеньскім прафесійна-будаўнічым ліцэі і Вайнілаўскай базавай школе, дзе выкладаў біялогію і хімію.
Літаратурнай творчасцю пачаў займацца даволі позна. Спачатку гэта былі вершы, потым захапіўся драматургіяй, у апошні час пераважна піша прозу.
На кніжнай выставе прадстаўлены як паэтычныя так і празаічныя творы аўтара. Для чытачоў бібліятэкі прапануем прачытаць зборнік вершаў “Час збіраць камяні”, фантастычныя раманы “Дзікія кошкі Барсума”,”Пещера”, містычны трылер “История вместо математики”, фантастычныя аповесці “Разрешите стать вашим слугой”, рэальна-містычна-фантастычныя апавяданні “Ключ, які нічога не адмыкае”. Зацікавіць наведвальнікаў і дапаможнік для пачынаючых паэтаў “Азы вершаскладання”.
Юбіляр з’яўляецца ўдзельнікам шматлікіх літаратурных конкурсаў. Па яго п’есах у бібліятэках і на сцэне РЦКіД ставіліся і зараз ставяцца іранічныя і гумарыстычныя сцэнкі.
Карта сайта