На тэматычны вечар «Я – сын рэспублікі…” завіталі ўсе прыхільнікі аб’яднання. Пра жыццёвы і творчы шлях свайго земляка распавёў сябра клуба Уладзімір Адамовіч. Шмат цікавых і незвычайных момантаў узгадаў Уладзімір Паўлавіч пра аднавяскоўца, які ўсё жыццё жыў паэзіяй. У выкананні аматараў клуба Людмілы Чаркоўскай, Тамары Ганчарык, Зоі Сушкевіч, Аляксандры Раманьковай і Алены Шульгі гучалі паэтычныя творы Віктара Казлоўскага, у тым ліку з паэмы “Рахіль”.
У рубрыцы “Наш каляндар” гаворка ішла пра паэта, празаіка, літаратурнага крытыка, кандыдыта філалагічных навук, дацэнта Рыгора Семашкевіча. У гэтым годзе яму споўнілася 75 год з дня нараджэння. У выкананні Уладзіміра Паўлавіча эмацыйна і выразна прагучаў верш аўтара.
Карта сайта