Сябра клуба Уладзімір Адамовіч узгадаў, як называюць суайчыннікі юбіляра. Ён – паэт 21 стагоддзя, вечны аптыміст, літаратар, музычны рамантык…
Уладзімір Паўлавіч распавёў пра цікавы факт з асабістага жыцця Леаніда Дранько-Майсюка. Падчас вучобы ў Маскоўскім літаратурным універсітэце паэт знаёміцца з будучай жонкай Вольгай. І ўжо на пятай сустрэчы масквічка кажа, што яму патрэбна такая жонка, як яна. Узяла за руку – і завяла ў загс.
Дарэчы, сына Васілька яна нарадзіла ў родным горадзе Леаніда. Уразіла і тое, што Вольга за два месяцы асвоіла беларускую мову і пачала на ёй размаўляць.
З цікавасцю сябры клуба паглядзелі запіс аўтарскага праекта пісьменніка і публіцыста Навума Гальпяровіча “Суразмоўцы” з удзелам Леаніда Дранько-Майсюка.
З вялікім задавальненнем паслухалі запісы песень на словы паэта “Навагодняя свечка” і “Полька беларуская” ў выкананні ВІА “Сябры”. Дарэчы, музычныя творы дадалі ўсім настрою настолькі, што некаторыя з удзельнікаў сустрэчы падпявалі і танчылі.
Падчас пасяджэння клуба “Ветразь” гучалі паэтычныя творы юбіляра, прысвечаныя таямнічай А., роднаму краю, гораду і яго вуліцам.
У рубрыцы “Наш каляндар” гаворка ішла пра жыццё і творчасць Міколы Сурначова. Сёлета яму споўнілася б 105 гадоў.
Напрыканцы сустрэчы Алена Шульга пазнаёміла сяброў клуба са зборнікам вершаў нашага земляка Уладзіміра Паўловіча “Осень жизни”.
Актыўны сябра клуба Уладзімір Адамовіч адзначыў, што гэтае пасяджэнне было адным з лепшых у 2022-м годзе.
Карта сайта