Штогод у нашай краіне 15 верасня адзначаецца Дзень бібліятэк. Упершыню яго святкавалі ў 2001 годзе ў дзень заснавання Нацыянальнай бібліятэкі Беларусі –галоўным кнігасховішчы і цэнтры фарміравання нацыянальнай самасвядомасці.
У Чэрвеньскай цэнтральнай раённай бібліятэцы працуюць эрудыраваныя і адданыя сваёй працы людзі. Сюды прыходзяць чытачы, якія жывуць не толькі хлебам адзіным. Наша бібліятэка – не проста кніжная скарбніца, але і месца сустрэчы людзей. Бібліятэкары заўсёды ў ракурсе творчых ідэй.
З 1985 года ў бібліятэцы дзейнічае літаратурна-паэтычны клуб “Ветразь”, кіраўніком якога на працягу многіх гадоў быў Уладзімір Георгіевіч Дарагуж. Зараз працягвае справу Валерый Васільевіч Захараў. Аматары клуба абмяркоўваюць розныя тэмы, сустракаюцца з пісьменнікамі, мастакамі, кампазітарамі. У красавіку гэтага года адбылася сустрэча з беларускімі пісьменнікамі Уладзімірам Марозам, Наталляй Касцючэнка і Анатолем Зэкавым.
Вядома, што ўзрост жыццю не памеха. На паседжанні аматарскага аб’яднання “Журавінка” збіраюцца людзі “восеньскага” ўзросту. З дапамогай камп’тэрных тэхналогій сябры клуба абмяркоўваюць на сустрэчах разнастайныя тэмы.
Таксама бібліятэка арыентуецца на моладзь, таму было створана аб’яднанне “Маладзёжнае перакрыжаванне”. Напарамак клуба – духоўна-маральнае выхаванне. Удзельнікі - навучэцы старэйшых класаў гарадскіх школ, прафесійна-будаўнічага ліцэя Чэрвеня.
У 2017 годзе бібліятэка працуе над тэмамі: 500-годдзе беларускага кнігадрукавання, 630-годдзе г. Чэрвеня, 135-годдзе нараджэння Янкі Купалы і Якуба Коласа, 100-годдзе Вялікай Кастрычніцкай рэвалюцыі.
Упершыню ў красавіку паміж Чэрвенем і расійскім горадам Каралёвым адбыўся тэлемост “Сяброўства без межаў і адлегласцяў”, прымеркаваны да Дня аб’яднання Беларусі і Расіі.
15 верасня свае прафесійнае свята работнікі бібліятэкі адзначылі з дзесяцікласнікамі СШ №2 г Чэрвеня book-квэстам “Чытай, горад!”. У гэты дзень дзейнічала акцыя “Бібліятэка –чытачу”. Кожны чытач меў магчымасць узяць бесплатна кнігу на адзін дзень з камерцыйнага фонду.
Грунтоўнае абслугоўванне наведвальнікаў Чэрвеньскай цэнтральнай раённай бібліятэкі забяспечваюць адданыя сваёй працы прафесіяналы: загадчыца аддзела абслугоўвання і інфармацыі Святлана Ждановіч, бібліёграф Алена Шульга і бібліятэкары Святлана Калтовіч, Жанна Крук і Кацярына Дземахіна, бібліятэкар пазастацыянарнага абслугоўвання Вольга Стрыжанкова.
Нават у век інфармацыйных тэхналогій бібліятэка застаецца неабходнай людзям. Жывыя зносіны з чытачамі дагэтуль застаюцца запатрабаванымі.
Алена Шульга, бібліёграф Чэрвеньскай цэнтральнай раённай бібліятэкі
Карта сайта