Усе неабходныя працэдуры пачатку працы першага дня датэрміновага галасавання былі выкананы. Урна праверана і апламбавана. Адзін з самых шматлікіх выбарчых участкаў гатовы да працы.
-На Гарбачоўскiм выбарчым участку №3 унесены ў спісы для галасавання 2068 чалавек, - пракаментавала старшыня камісіі Людміла Кацько, - Ёсць усе неабходныя атрыбуты, каб выканаць канфідэнцыяльнасць: кабінкі для галасавання, стол-кабінка для галасавання інваліда-вазочніка, ёсць адмысловыя трафарэты для слабавідушчых людзей. Неабходная наглядная інфармацыя прысутнічае.
У камісіі зарэгістраваліся 17 назіральнікаў ад розных грамадскіх аб'яднанняў і ад груп выбаршчыкаў. У першы дзень датэрміновага галасавання іх 3.
4 жніўня адным з першых на выбарчы ўчастак прыйшоў Іван Аляксандравіч Трус. Ён мае праблемы са зрокам, таму папрасіў сваячку яго суправаджаць.
Галіна Гамеза. Фота аўтара
Карта сайта