Чэрвеньскі раённы выканаўчы камітэт

25 жніўня Прэзідэнт Беларусі Аляксандр Лукашэнка зрабіў рабочую паездку ў Лагойскі раён. У гаспадарцы "Астрошыцы" кіраўніку дзяржавы далажылі аб перспектывах развіцця збожжаўборачнага камбайнабудавання. Падставай для мерапрыемства стаў незвычайны юбілей: напярэдадні споўнілася 25 гадоў, як на "Гомсельмашы" па даручэнні Прэзідэнта пачалі выпускаць беларускія камбайны.

У Бараўлянах будуюць новую паліклініку. Установа аховы здароўя з'явіцца ў комплексе Мінскай цэнтральнай раённай клінічнай бальніцы. Паліклініка сяміпавярховая, разлічана на 800 наведванняў за змену. Яна акажа амбулаторную дапамогу не толькі жыхарам Бараўлянскага сельскага савета, але і навакольных населеных пунктаў.

Святочнае шэсце, дэфіле ў нацыянальных касцюмах і майстар-класы ад прафесійных ткачых. У Старых Дарогах прайшоў восьмы конкурс па ткацтве "Матчыны кросны". Фестываль праводзіцца раз за тры гады, а пачынаў сваю гісторыю з нулявых. Гэтым разам ён сабраў больш за 70 чалавек з 16 раёнаў Мінскай вобласці. Удзельнічалі і дзеці. Пабывала на свяце і наш карэспандэнт Дар'я Рачко.

«Адзінства, грамадзянскасць, патрыятызм - ключавы рэсурс развіцця адукацыі Міншчыны» - такая тэма канферэнцыі педагагічных работнікаў сталічнага рэгіёну, якая пройдзе 27 жніўня ў Нясвіжы.

На асабістых прыёмах грамадзянам трэба даваць простыя і зразумелыя адказы, а не спасылацца на вялікую колькасць нарматыўна-прававых актаў. Такім меркаваннем з журналістамі падзяліўся старшыня Мінаблвыканкама Аляксандр Турчын пасля прыёму грамадзян у Маладзечне, перадае карэспандэнт БЕЛТА.

На Міншчыне ўчастковыя інспектары міліцыі праводзяць прыём грамадзян Ва ўсіх пунктах аховы міліцыі Мінскай вобласці праводзіцца штотыднёвы прыём грамадзян з участковымі. Усе жадаючыя могуць звярнуцца да праваахоўнікаў па пытаннях, якія адносяцца да працы органаў унутраных спраў.

Фестываль гістарычнай рэканструкцыі, культуры і музыкі "Нясвіжская фартэцыя", прысвечаны самым значным падзеям XVII-XVIII стст., адбыўся ў Нясвіжы. Фестываль прайшоў у Англійскім парку на тэрыторыі Нясвіжскага палацава-паркавага комплексу і азнаёміў гасцей мерапрыемства з гістарычнымі падзеямі, ваеннымі кампаніямі, гарадскім і паходным побытам ваенных мінулых стагоддзяў.

Гэта традыцыя адпачынку каля возера з песняй, якая стала брэндам Беразіна. Конкурс "Бярэзінскія лыжкары" аб'ядноўвае народных умельцаў з усіх раёнаў Мінскай вобласці. Сёлета 20 майстроў спаборнічалі за перамогу ў 11 намінацыях. На працягу трох гадзін выразалі экалагічны сталовы прыбор. Суддзі ацэньвалі памер, форму і дэкор.

Лепшага ратавальніка і лепшага начальніка змены выбралі на выпрабавальным палігоне пад Барысавам. У спаборніцтвах прынялі ўдзел 54 наймацнейшыя начальнікі дзяжурных змен і ратавальнікаў краіны. Конкурсы ўключалі праходжанне практычных этапаў, максімальна набліжаных да рэальных дзеянняў у розных надзвычайных сітуацыях. Сярод іх пошукава-выратавальныя работы на акваторыі, у разбураных будынках, праца ў дыхальным апараце.

Калі адпачынак на свежым паветры яшчэ і спаборніцтва! Абласны фестываль TourFest-2021 сабраў актыўную рабочую моладзь. На гэты раз - на беразе Плешчаніцкага вадасховішча пад Лагойскам. Тры сотні ўдзельнікаў спаборнічалі ў спартыўным і кулінарным майстэрстве.